Перад прысутнымі выступіла Таццяна Радзівіліна, падкрэсліўшы значнасць падобных выстаў для захавання нацыянальных традыцый і гістарычнай памяці, выхавання ў падрастаючага пакалення любові да роднай Бацькаўшчыны. Яна выказала надзею, што выстава прыцягне ўвагу многіх наведвальнікаў.
Тамара Мацюліна прыгадала аб роднай вёсцы Галавенчыцы, дзе нарадзілася, і сваіх земляках, а таксама перадала ў дар музею саматканы абрус. Сваімі ўспамінамі падзяліліся і некаторыя іншыя госці выставы.
Нагадам, што яе адкрыццё праходзіла ў Светлую Сядміцу пасля Вялікдня, і гэту важную для вернікаў падзею таксама не абыйшлі ўвагай: у выставачнай зале быў накрыты сімвалічны пасхальны стол, а ўдзельнікі народнага калектыву «Спадарыня» выканалі для гасцей валачобныя песні.
© 2007-2023